Presidenti i Barcelonës Joan Laporta i është adresuar sot mediave spanjolle, nga të cilat u pyet edhe për çështjen e transferimit të yllit norvegjez Erling Haaland.
Haaland pritet që këtë verë të largohet nga skuadra e Borussia Dortmundit, dhe destinacioni i tij i ardhshëm raportohet të jetë La Liga, ku dy gjigandët Real Madridi dhe Barcelona kanë shprehur interesim në shërbimet e tij.
Këtyre spekulimeve që e lidhin Haaland me Barcelonën iu është përgjigjur presidenti Laporta, ku nuk e fshehu se gjatë verës do të ketë ende transferime të tjera.
“Haaland? Sot jemi të zënë dhe tejet të lumtur me Aubameyang, i cili do të shënojë shumë gola këtu. Në qershor, ne do të mundohemi që ta përforcojmë më shumë skuadrën, dhe jemi në një rrugë të mirë”, tha Laporta.
Barcelona dje e bëri zyrtare transferimin e sulmuesit Pierre-Emerick Aubameyang, i cili i bashkohet Barçës si transferim i lirë, pasi që shkëputi kontratën e tij me Arsenalin.
