Trajneri i mirënjohur kroat, Miroslav Çiro Blazheviç, zbulon detaje interesante nga jeta e tij si trajner, tani ka kujtuar një pjesë edhe nga Prishtina.
Ai ka shkruar në profilin e tij në facebook, se si u ndje në kryeqytetin e Kosovës, kur në vitin 1985 ka qenë kryetrajner i Prishtinës, e cila atëkohë garonte në ligën e parë ish jugosllave. Bllazheviç ka respekt të veçantë për shqiptarët. Ai si gjithmonë njihet me deklarata të çmendura.
“Në Prishtinë kam pasur vërtet statusin e hyjnisë, kam jetuar në hotelin Grand, i njëjti ku ka qëndruar edhe Tito, dhe të Kosovës kujdeseshin që të mos më mungonte as qumështi i zogut.
Fadil Vokrri, Zoran Batroviq, Sahit Kelmendi dhe në prapavijë Kujtim Shala e Skënder Shengyli
Ata më donin vërtetë! Më vjen mirë kur shoh që edhe sot, gati 40 vjet më vonë, nuk ka asnjë ndryshim në qëndrimin e tyre ndaj meje.
I dua edhe më shumë”, ka shkruar mes të tjera Bllazheviç.
Ai ka postuar edhe një foto në profilin e tij ku shihen futbollistët e asaj kohe: Fadil Vokrri, Zoran Batroviq, Sahit Kelmendi dhe në prapavijë Kujtim Shala e Skënder Shengyli.
