Skuadra shqiptare Renova nga Xhepçishti i Tetovës konfirmon lajmin e hidhur. Ka ndërruar jetë Shemo, tifozi më i flaktë i skuadrës.
“Me pikëllim të thellë morëm lajmin për ndarjen nga jeta të një prej tifozëve më të flaktë të klubit, kontributi i të cilit ka qenë dhe do të mbetet i paharruar mes nesh.
Një figurë shumë e dashur dhe e respektuar, gjithmonë i qeshur dhe me plot entuziazëm, mbështetës i përjetshëm i klubit, kompozitor dhe autor i himnit të Renovës, njeriu që formoi dhe udhëhoqi tifozerinë e klubit në kohërat e lavdishme, sfidues i lindur, familjar, mik dhe çdo kohë i gatshëm për të ndihmuar.
Ngushëllimet më të sinqerta për familjarët, miqtë dhe të gjithë ata që e njohën e që s’do e harrojnë kurrë.
I perjetshëm qoftë kujtimi për ty, usta Shemo.
Do të mbetesh gjithmonë mes nesh!”, shkruan në faqen e KF Renova, anëtar i elitës së futbollit të Maqedonisë së Veriut.