Mbrojtësi skocez i Arsenal është futur në listën e lojtarëve që kanë mbyllur sezonin para kohe.
Tierney ka pësuar një lëndim në gju, dhe gjatë javës pritet t’i nënshtrohet një operimi.
Mbrojtësi i krahut pësoi lëndim pasi kompletoi një seancë stërvitore gjatë 31 marsit. Si rezultat, ai mungoi në humbjen 3:0 ndaj Crystal Palace.
Tierney u konsultua me një specialist sot në mëngjes dhe vendosi që është më mirë të operohet.
Ky operim do t’ia pamundësojë lojtarit që të kthehet në fushë për pjesën e mbetur të këtij sezoni.
Arsenal kanë konfirmuar se kjo procedurë do të kryhet në Londër dhe programi për rikuperim fillon menjëherë pas operimit.
