Trajneri i Barcelonës, pas ndeshjes ka deklaruar se skuadra e tij e provoi të gjente rezultatin në këtë duel, por nuk ia doli.
“Në fund të ndeshjes provuam të bënim heroizëm por nuk ishte e mjaftueshme, nuk kemi luajtur aq mirë sa në ndeshjet e tjera.
Ata gjetën penallti dhe një supergol nga një top i humbur nga ne. Jemi shumë të zhgënjyer dhe fitorja e tyre ishte e merituar. Kishim mbajtje topi, por nuk krijuam sa duhet për t’u bërë dëm. Në Evropë gabimet paguhen. Tani duhet të përqendrohemi te La Liga”, tha ai.
“Nuk është një katastrofë, pasi u munduam. Nëse është katastrofë, atëherë ka edhe mësim. Objektivi kryesor për të siguruar Ligën e Kampioneve vazhdon dhe tani do të tentojmë kampionatin”, theksoi ai.
Në fund, kishte edhe një kritikë për klubin i cili u kishte shitur dhjetëra mijëra bileta tifozëve gjermanë që e kthyen “Camp Nou” në “shtëpinë” e tyre.
“Kaq shumë tifozë gjermanë në stadium nuk na ndihmuan, klubi po kontrollon atë që ndodhi por ishte një gabim në përllogaritje”, tha Xavi.