U hodh shorti për gjysmëfinalen e Kupës!
Sot në selinë e FFK-së në prani të përfaqësuesve të klubeve dhe kryetares së Komisionit për futbollin e femrave, Vjollca Krasniqi është bërë tërheqja e shortit për gjysmëfinalen e Kupës së Kosovës.
Duke pasur parasysh se në këtë fazën janë kualifikuar tri skuadra, njëra prej tyre u plasua në finale nëpërmjet shortit.
E këtë fat e pati Epp Com Hajvalia, derisa për biletën tjetër që dërgon në finale shorti nxorri përballë njëra tjetrës Kosovën VR dhe Mitrovicën. Kjo ndeshje do të zhvillohet mesjavën e ardhshme.
