Skuadra nga Prishtina, 2 Korriku, është çerdhe e talentëve të futbollit. Ky klub mburret që edhe një talent që doli nga mjedisi i tyre, sot po luan me sukses në Gjermani.
Është fjala për talentin Elton Krasniqi, i cili dje iu bashkua ekipit VfB Stuttgart U-19.
“Elton Krasniqi bëhet pjesë e skuadrës gjermane, VfB Stuttgart.
Elton Krasniqi, i lindur në vitin 2005, që në moshë shumë të re erdhi e u bashkua me "verdheblutë", ku edhe i mori hapat e parë si futbollist, për të vazhduar me suksese të njëpasnjëshme, duke mos lënë trofe pa fituar e mbi të gjitha duke lënë gjurmë në secilin sukses të arritur nga grupmosha e tij.
Eltoni, që shihet si ndër më premtuesit e lojës së bukur të futbollit, gjatë këtyre ditëve ka bërë hapin gjigant në karrierën e tij, duke iu bashkuar gjigantit të futbollit gjerman, VfB Stuttgart.
Të emocionuar e shumë të lumtur me këtë arritje, për Eltonin mund të themi se jemi jashtëzakonisht krenarë me të dhe këto suksese që për të shpresojmë se janë vetëm pikënisje e një karriere të gjatë e të mbushur me suksese.
Në klubin "verdheblu", gjithsecili është shumë i lumtur për Eltonin, e për të ka vetëm fjalë urimi, fjalë që i riu nga Kosova i meriton si kurrë më parë”, shkruan në faqen e KF 2 Korrikut.
