FFM: Voska Sport - Tikveshi, do të luhet në Strumicë!
Federata e Futbollit të Maqedonisë, sot konfirmoi se sfida e balotazhit në mes Voska Sport dhe Tikveshit, do të zhvillohet në Strumicë, në stadiumin “Mladost”.
Fillimisht ndeshja duhej të zhvillohet në Prilep në stadiumin “Goce Delçev”, mirëpo me vonë FFM ndryshoi vendimin dhe caktoi stadiumin “Todor Proeski” në Shkup.
Pasoi regaimi i ashpër i Tikveshit, i cili nuk dëshironte të ndryshojë terrenin, ashtu që sot FFM e konfirmoi që ndeshja e balotazhit të zhvillohet në stadiumin “Mladost” në Strumicë, në orën 17.00, pas koordinimit edhe me Ministrinë e Punëve të Brendshme.
