Liga e Kombeve sonte ofron disa ndeshje spektakolare në mesin e të cila është edhe sfida ndërmjet Kosovës dhe Irlandës së Veriut që zhvillohet në stadiumin “Fadil Vokrri” në Prishtinë duke filluar nga ora 20;45.
Por, përveç “Dardanëve”, në fushën e gjelbër zbresin edhe kombëtare të tjera të mëdha dhe do të zhvillohen disa ballafaqime shumë interesante, transmeton KosovaPress.
Dy sfida shumë interesante do të zhvillohen në kuadër të Grupit 2 të Ligës A. Zvicra e pret Spanjën në Gjenëvë, kurse sfida tjetër interesante e këtij grupi është ajo ndërmjet Portugalisë dhe Republikës së Çekisë.
Ky grup kryesohet nga Portugalia dhe Republika e Çekisë me nga katër pikë, e treta është Spanja me dy pikë, kurse Zvicra është pa pikë pas dy humbjeve në dy ndeshjet e para në të cilat është mposhtur nga Republika e Çekisë dhe Portugalia.
Ndeshjet tjera në kuadër të Ligës së Kombeve janë këto:
Norvegji-Slloveni
Suedi-Serbi
Gjibraeltar-Bullgari
Greqi-Qipro
Kosovë-Irlandë e Veriut
Maqedoni e Veriut-Gjeorgji
Maltë-Estoni
