Presidenti i Federatës së Futbollit të Kosovës, Agim Ademi, sot vizitoi fushën e futbollit në Istog.
Ademi i drejtohet me dy fjalë kryetarit të Komunës së Istogut.
“Sot e vizitova edhe stadiumin ‘Demush Mavraj’ në Istog, fusha e të cilit nuk është në gjendje të mirë.
Me zyrtarët e klubit diskutova për mundësitë që të bëhet zgjidhje për këtë çështje sa më shpejt, në mënyrë që ky stadium të jetë i gatshëm për fillimin e garave në edicionin e ri.
Me këtë rast lus kryetarin e komunës së Istogut, Ilir Ferati, që të shpejtojë me procesin e punëve në stadium, në mënyrë që të kemi ambiente sa më të bukura dhe të përshtatshme për klubin dhe rininë e kësaj komune”, ka shkruar Ademi në profilin e tij në facebook.
