Sipas Sky Sport Italia, një takim vendimtar mes drejtorëve të Juventusit dhe përfaqësuesit të Paul Pogba ka përfunduar dhe francezi do t’i nënshtrohet testeve mjekësore me bardhezinjtë në javën e parë të korrikut.
Takimi u zhvillua në Milano dhe të dy palët rregulluan detajet financiare të operacionit që do të çojë në kthimin e Pogbas në Allianz Stadium gjashtë vjet pas transferimit të tij prej 100 milionë euro në Manchester United.
Të dy palët duhet vetëm të bien dakord për kohëzgjatjen e kontratës: një marrëveshje trevjeçare, e cila mund të vijë me një opsion për një sezon të mëtejshëm.
Sipas raportit, Pogba do të jetë në Itali midis 5 dhe 8 korrikut për t’i nënshtruar testeve mjekësore me gjigantët e Serie A.
