Skuadra braziliane, Palmeiras, ka prishur kontratën me futbollistin Renan Victor për shkak të një ngjarjeje të rëndë që i ka ndodhur futbollistit.
Sikurse informojnë nga Brazili, qendërmbrojtësi ka aksidentuar për vdekje një motoçiklist 38-vjeçar mëngjesin e 22 korrikut në San Paolo, teksa po kthej nga një festë.
Lojtar, fillimisht u arrestua, por shumë shpejt u lirua pasi pagoi një shumë të majme prej 45 mijë eurosh si garanci, që do t’i shkonte familjes së viktimës.
Renan, i cili i jepte makinës pa patentë dhe në gjendje të dehur rrezikon deri 10 vite burg. Në kushte të tilla, për të mos prishur imazhin e klubit, Palmeiras e përjashtoi nga organika, duke i prishur kontratën.
