Lëvizje befasuese e Icardit

Futboll

Lëvizje befasuese e Icardit

Më: 25 gusht 2022 Në ora: 11:15
Lëvizje befasuese e Icardit

Bisedimet janë në hapat e parë, por mesa duket ato duket se do të kenë një fund të lumtur, duke qenë se askush nuk duket më shumë i interesuar për Mauro Ikardin.

Ish-sulmuesi dhe kapiteni i Interit është nxjerrë jashtë skuadre nga trajneri i PSG-së, prandaj për të mos bërë një figurë të shëmtuar, ai ka vendosur që të gjejë një tjetër sistemim dhe të rinisë të luajë, për të kërkuar sërish rikthimin në nivelet e larta.

Pasditen e djeshme, bashkëshortja-menaxhere, Vanda Nara, i ka dhënë aprovimin klubit të rëndësishëm turk, Gallatasarajit, për një akord 1-vjeçar, me të drejtë rinovimi edhe për 3 sezone të tjerë.

Edhe PSG-ja e ka pranuar idenë që fillimisht ta huazojë dhe më pas të shpresojë se verën e ardhshme klubi nga Stambolli, apo dikush tjetër do të jetë gati që të paguajë disa miliona për Ikardin.

Edhe pse palët kanë ende për të saktësuar detajet e rrogës, pritet që marrëveshja me Gallatën të përfundojë me sukses.

commentFirst article
Sot mund të lexoni Shfletoni kopertinat