Pas dorëheqjes së Goce Sedlloskit të mërkurën, vendim i ardhur ky pas eliminimit nga Conference League nga Ballkani, vetëm një hap pranë fazës së grupeve, Shkupi ka gjetur trajnerin e ri.
Gokhan Bozkajan i është besuar detyra e kreut të stolit të skuadrës shqiptare të Shkupit, njëkohësisht kampionët në fuqi të Maqedonisë së Veriut.
Bozkajan ka nisur menjëherë punën dhe ka udhëhequr seancën stërvitore në mëngjesin e kësaj të enjte, ndërsa do të jetë në krye të ekipit edhe të dielën në ndeshjen ndaj Bregallnicës në kuadër të javës së 6-të të elitës së kampionatit maqedonas.
Theksojmë se edhe më parë emri i Gokhan Bozkaja është përmendur si trajner alternativ për Shkupin, ndërsa sezonin e kaluar ka punuar si trajner i ekipeve të reja te Fenerbahçe.
