Për Shakira vazhdon të flitet edhe katër muaj pas ndarjes me Gerard Piqué. Një ndarje, në të cilën ata janë ende të zhytur përmes zyrave të tyre ligjore për të diskutuar çështje të tilla si kujdestaria e fëmijëve, Milan dhe Sasha, apo transferimi i artistes në Miami.
Këngëtarja kolumbiane kërkon të rindërtojë jetën e saj dhe po e bën atë në një botë që i ka dhënë kaq shumë gëzim ndër vite, muzikë, ku është bërë një nga artistet më të njohura në botë, veçanërisht në dekadën e vitet 2000.
Një botë që nuk e ka braktisur kurrë, por që e la mënjanë. Një botë në të cilën ajo është rikthyer me stil, me këngë si ‘Të përgëzoj’. Por, Shakira duket se nuk dëshiron të ndalet me kaq dhe për këtë, të enjten mbrëma ka shpërndarë një publikim përmes rrjeteve të saj sociale me një mesazh misterioz: “Nuk kishe faj…”
Disa fjalë që pa dyshim i kanë kujtuar Piqué për gjithçka ka ndodhur muajt e fundit. Një mesazh që ka marrë lloj-lloj reagimesh në mesin e mbi 76 milionë ndjekësve të saj në Instagram. Edhe pse fansat e këngëtares kanë menduar se bëhet fjalë për ish-partnerin e saj, mund të jetë një strategji marketing.
Vetë këngëtarja Shakira, së fundmi ka njoftuar se shumë shpejt do të publikojë një album të ri. Një mënyrë ndryshe për të treguar ndjenjat e saj dhe për t’i dhënë muzikës një vend në jetën që po kalon: “Ka pasur ditë kur më është dashur të marr copëzat e mia të thyera nga toka dhe e vetmja mënyrë për ta bërë këtë, për ta bërë me të vërtetë, ka qenë përmes muzikës”.
Edhe pse mund të jetë një strategji për të promovuar albumin e saj të ardhshëm, kjo nuk do të thotë se disa këngë mund t’i referohen Piqué, siç ndodhi pikërisht me ‘ Te felicito’, e cila e lidhi shpejt lojtarin e Barcelonës me Clara Chía.
Përsa iu përket punimeve të radhës në muzikë, artistja tashmë është duke përgatitur një këngë të re me një tjetër prej artisteve të momentit, Ozuna.
