Futbollisti i Juventusit, Adrien Rabiot, ka kërkuar nga bashkëlojtarët e tij që të harrojnë humbjen nga Milani dhe të përqendrohen në sfidën e radhës kundër Maccabi Haifa.
Maccabi dhe Juve do të takohen sonte në kuadër të Ligës së Kampionëve.
Rabiot thotë se në duel me Maccabin skuadra e tij ka vetëm një opsion, fitoren.
Sipas francezit vetëm fitorja në duel me Maccabin i jep shpresë Juvës që të ëndërrojë për të kaluar në rundin tjetër të Ligës së Kampionëve, edhe pse torinezët duhet të fitojnë ‘finalen’ e Lisbonës kundër Benficas.
“Duhet të fitojmë. Duhet të japim gjithçka që të fitojmë dhe të luajmë një ‘finale’ në Lisbonë”, tha Rabiot.
Ai thotë se skuadrën e tij e pret një sfidë e vështirë, sepse sipas Rabiot, Maccabi ka ekip sulmues.
“Pres një ekip më sulmues. Ata luajnë në stadiumin e tyre para tifozëve të tyre, për ne do të jetë një ndeshje shumë e vështirë”, theksoi Rabiot.
