Atalanta fitoi 2-1 me përmbysje ndaj Sassuolos dhe për momentin është ngjitur në krye të Serie A. Fitore fantastike për skuadrën e Gian Piero Gasperinit, e shtatë në dhjetë ndeshje të zhvilluara, ndërkohë që mbetet zero numri i takimeve të humbura.
Minutat e fundit të pjesës së parë “ndezën” ndeshjen. Georgios Kyriakopoulos (41’) zhbllokoi ndeshjen falë një goli shumë të bukur dhe kaloi Sassuolon në avantazh, por vendasit reaguan menjëherë dhe rikthyen baraspeshën me anë të Mario Pasalic (45+1’).
Kroati mori një asist nga Brandon Soppy dhe dërgoi topin lehtësisht në rrjetën e ekipit kundërshtar. Atalanta e nisi pjesën e dytë ashtu siç mbylli të parën: me gol. Sërish pasim vendimtar nga Brandan Soppy dhe finalizim fantastik i Ademola Lookman.
Sulmuesi nigerian kreu një driblim përpara se të gjuante në portë, duke i dhuruar skuadrës së tij avantazhin dhe vendin e parë në renditje, dhe duke gjetur golin e katërt në kampionatin italian të futbolli. Në stol për Atalantën ishte edhe Berat Gjimshiti, i cili qëndron jashtë fushave prej datës 21 gusht.
