Shiriti i kapitenit të Granit Xhakës ka bërë bujë në Katar. Ka një sherr për shiritin e kapitenit me sloganin “One Love”, të cilin kërkon ta përdorë edhe Granit Xhaka.
Kombëtarja e Zvicrës dhe pjesëmarrësit e tjerë të Kupës së Botës donin të luanin me shiritin e kapitenit "One Love" dhe kështu të jepnin një shembull për dashuri universale dhe respekt të ndërsjellë për të gjithë njerëzit, pavarësisht nga origjina, feja, pikëpamjet politike apo orientimi seksual.
FIFA gjithashtu ka kërcënuar me pasoja nëse kapitenët ende mbajnë shiritin me sloganin "One Love".
FIFA argumenton se mesazhet politike të çdo lloji në veshje janë të ndaluara. Kapiteni i Francës, Hugo Lloris nuk do të mbajë shiritin e diskutueshëm për arsye personale.
Dhe çfarë po bën kombëtarja? SFV është e mendimit se ky simbol është një shenjë tolerance dhe respekti dhe është gjithçka tjetër veçse një mesazh politik.
"Që tani, ne synojmë të qëndrojmë me shiritin e kapitenit" - thotë drejtori i medias Adrian Arnold për ”Blick”. “Korrespondon saktësisht me vlerat që ne mbrojmë brenda dhe jashtë fushës: respektin, tolerancën dhe solidaritetin”.
A kërcënohen me gjoba për mesazhin paqësor?
Nëse shiriti i kapitenit bie ndesh me rregulloren, Granit Xhaka do të merrte një karton të verdhë përpara ndeshjes kundër Kamerunit. Nëse e vesh sërish kundër Brazilit, do të suspendohet.
Arnold nuk dëshiron të hyjë në spekulime për dënimin e mundshëm. “Tani presim të shohim se çfarë do të komunikojë FIFA”, thotë ai.
Sipas informacioneve të ”Blick”, SFV tashmë po shqyrton skenarët e ndryshëm. Duket qartë se SFV do të pranonte pasoja financiare në mënyrë që të ngrihej në mbrojtje të mesazhit paqësor të tolerancës.
Holanda, Uellsi, Anglia, Danimarka dhe Gjermania gjithashtu duan që tani të qëndrojnë te shiritat e kapitenit të “One Love”.
