Gjiganti anglez, Manchester United është shumë afër që ta bëjë zyrtare se pronarët amerikanë po konsiderojnë opsione financiare të cilat mund të përfshijnë një shitje të menjëhershme të klubit, raporton “Sky News”.
Manchester United më në fund mund të shitet nga pronarët amerikanë pas një periudhe 17-vjeçare të dominuar nga protestat e tifozëve dhe mungesa e trofeve.
“Sky News” ekskluzivisht raporton se familja Glazer po përgatitet të shpallë zyrtarisht synimin e saj për të shqyrtuar burimet e mundshme të investimeve të jashtme që mund të përfshijnë një ankand të plotë të klubit.
Raportohet se të martën bankierët e investimeve po udhëzoheshin nga pronarët e Manchester United për të këshilluar mbi procesin, i cili ka të ngjarë të përfshijë një shitje të plotë ose të pjesshme, ose partneritet strategjik me palë të treta.
Një deklaratë që konfirmon qëllimet e tyre mund të vijë menjëherë, tha njëri prej tyre.
Njoftimi i një rishikimi të opsioneve financiare që mund të përfshijnë një proces shitjeje do të sinjalizonte një fund të spekulimeve vitesh nëse Glazers mund të binden të largohen nga një klub i cili për dekadën e fundit ka përjetuar një rënie në sukseset e futbollit.
