Mjaft i zhgënjyer për eliminimin në çerekfinalet e Botërorit të Katarit, ishte edhe mesfushori i Manchester United, Casemiro, i cili bëri apel që skuadra të ngrejë kokën shpejt, teksaa zbuloi se kjo mund të ketë qenë ndeshja e fundit e Tites në pankinën e “Selecaos”.
“Është një eliminim që djeg, pasi mendoj se luajtëm mirë dhe meritonim më shumë.
Jam 30 vjeç dhe kam humbur një rast për të fituar Botërorin, megjithatë tani duhet të shohim përpara.
Do të vijë një trajner i ri dhe duhet ta respektojmë. Është koha të ruajmë kthjelltësinë dhe të shohim përpara”, deklaroi mesfushori brazilian.
