Sulmuesi i Kosvës është lojtari kryesor i klubit ishullor spanjoll dhe atë e duan të gjithë, prej fëmijëve e deri tek pleqtë.
Një fëmijë dëshiron ta bëjë një foto me “Piratin”.
E natyrisht, 28 vjeçari e pranon me kënaqësi këtë kërkesë të tifozit të vogël të tij dhe të Mallorca-s.
Muriqi, i cili së fundmi u zgjodh lojtari i vitit 2022 në Kosovë, i është bashkuar ekipit në përgatitjet për vazhdimin e sezonit, i cili u ndal për një kohë për shkak të Kupës së Botës.
Prizrenasi e pati një vit fantastik me Mallorcan, ndërsa synon që ta vazhdojë këtë ritëm edhe më 2023.
Ai ka thënë se do të donte të qëndrojë në Mallorca për një kohë të gjatë, por se ofertat eventuale nga ndonjë klub i madh evropian mund ta ndryshojnë skenarin.
