Ndarja nga jeta e “Mbretit” të futbollit, Pele, ka prekur të gjithë sportdashësit anë e mbanë botës.
Në një reagim në rrjetet sociale kreu i Federatës Shqiptare të Futbollit, Armand Duka, ka shprehur një mesazh prekës për legjendën e Brazilit.
Duka shkruan se ky është një moment i vështirë për të gjithë ata që patën fatin ta shikonin nga shkallët e stadiumit.
“Futbolli humbi sot mbretin. I madhi Pele, braziliani virtuoz që magjepsi botën me talentin e tij, u nda nga jeta pas një betejë me problemet shëndetësore.
Një moment i vështirë për të gjithë ata që patën fatin ta shikonin nga shkallët e stadiumit duke luajtur, por edhe për ato që e kanë njohur përmes historisë dhe bëmave të tij.
Do t’i mungojë shumë botës së futbollit, por rekordet, arritjet e tij unike dhe trofetë e shumtë e kanë ngjitur prej shumë kohësh në olimpin e futbollit. Legjendat jetojnë përgjithmonë! U prehsh në paqe i madhi Pele!”-shkruan kreu i FSHF.
