Mund të ketë qenë ‘faji’ i Kupës së Botës që ngriti para syve Leo Messi, por në fund tundimi i topit ishte shumë i fortë për Sergio Agueron që duket se ka vendosur të rikthehet në fushë.
Pasi u tërhoq nga futbolli profesionist vitin e kaluar me një problem në zemër, 34-vjeçari ‘Kun’, i cili iu nënshtrua një operacioni dhe jetonte në kontakt të ngushtë me ish-shokët e tij të Argjentinës në Katar, tani ka njoftuar se do të kthehet për të veshur këpucët.
Do ta bëjë në futsal me ‘Kunisports’, skuadrën e tij që merr pjesë në ‘Kings League’ të promovuar nga ish-lojtari Gerard Piqué (dhe në të cilin spikasin figura si Iker Casillas dhe Joan Capdevila).
Gjatë draftit të garës, sulmuesi i befasoi të gjithë duke konfirmuar praninë e tij në skuadër: “Do të jem lojtari numër 12 dhe jam shumë i lumtur. Në disa ose më shumë ndeshje do të jem aty për të parë nëse mund të bëjmë diçka”.
Dhe atyre që kanë frikë se mund të jetë pak i ‘ndryshkur’ ai u përgjigjet kështu: “Më duhet të shërohem nga një problem në pulpë, por tashmë kam bërë fizioterapi dhe jam duke u përgatitur fizikisht”.
