Mesfushori i Koresë së Jugut dhe i Tottneham ka pësuar një dëmtim në sy në fillim të nëntorit. Pas operacionit ai duhej të mbante një maskë të cilën e hoqi në ndeshjen e fillimit të vitit. Për ta rikthyer më pas në ndeshjen e radhës, pas një kërkese që nuk mund të refuzohej.
Pak para Kupës së Botës në Katar, sulmuesi korean i Tottenhamit të Antonio Conte-s, Heung-Min Son dëmtoi fytyrën duke shkaktuar një frakturë në sy, për të cilën u detyrua të mbante një maskë mbrojtëse sa herë që dilte në fushë për të luajtur.
E bëri vazhdimisht me Spurs dhe me kombëtaren e tij edhe gjatë turneut të kampionatit, duke e hequr atë vetëm me rastin e ndeshjes kundër Aston Villas në fillim të vitit 2023. Për ta rikthyer më pas menjëherë në ndeshjen e radhës.
Ditën e Vitit të Ri, në Premier League, Son doli në fushë me maskën klasike të fytyrës dhe më pas e hoqi atë pas vetëm 20 minutash, duke vazhduar me fytyrë të lirë deri në fund të ndeshjes, e cila më pas u fitua nga Villans 2-0.
Një ngjarje, për koreanojugorin që iu desh ta mbante për shtatë javë, nga fillimi i nëntorit, e cila megjithatë mbeti unike: për ndeshjen kundër Crystal Palace më 5 janar të kaluar, ai u rikthye sërish në fushë me maskën që nuk e hoqi gjatë, përveç festimeve të golit të pokerit ndaj Crystal Palace.
Të gjithë pyesnin veten për kthimin e maskës dhe shumë kishin frikë nga një dëmtim i ri. Asgjë aq serioze apo shqetësuese, edhe nëse vetë lojtari do të konfirmonte se stafi i Spurs e ka këshilluar të mbante maskën për një kohë më të gjatë, duke shmangur çdo kontakt apo goditje.
Vetë Son e ka shpjeguar vazhdimisht se nuk është i lumtur dhe problemet që lindin kur e mban: “Natyrisht nuk është njësoj të luash me maskën ose pa të. Nuk është e njëjta gjë sepse shikimi im preket sidomos kur vjen topi. Ndonjëherë është e bezdisshme.”
Një situatë që u përsërit me Aston Villa-n: “Isha shumë i frustruar, sepse mora topin dhe pastaj papritmas nuk mund ta shihja. Unë thjesht isha i zemëruar”, tha ai për të shpjeguar gjestin e tij për ta hequr pas 20 minutash.
Por më pas maska u rishfaq në mënyrë të përpiktë dhe Son nuk e hoqi më, duke treguar arsyen: “Po të ishte për mua, sigurisht që do të luaja pa maskë, por prindërit, familja ime, të gjithë miqtë e mi që ndjekin në Korenë e Jugut janë të gjithë të shqetësuar. Sepse padyshim që është rrezik nëse dikush më godet përsëri”.
Prandaj, sakrifica për qetësinë e njerëzve të dashur në dëm të paraqitjeve të veta: “Kur në fund të ndeshjes kundër Vilës mami më pa pa maskë, më pyeti menjëherë: “Ehm, çfarë ndodhi me të?”. Dhe kështu, Son mund të ndiqte vetëm këshillën e nënës së tij. Edhe në kurriz të problemeve që i shkakton maska. Deri në njoftimin e dytë, si një djalë i mirë.
