Ish trajneri i famshëm i klubit të futbollit Prishtina, kroati Mirosllav Çiro Blazheviq, ka kohë që po përballet me sëmundjen e keqe, kanceri, ndërsa sot iu është publikuar një shkrim interesant në mediumin kroat “Veçernj List”.
Kush është futbollisti më i mirë në histori?
Një pyetje që bëhet shpesh tek sportdashësit.
Për këtë temë ka folur trajneri legjendar Bllazheviq, i cili beson se i ndjeri Diego Maradona është një nga më të mirët që ka luajtur ndonjëherë.
“Kur më pyesin se kush është futbollisti më i mirë në histori dhe shpeshherë e bëjnë, edhe pse është e pamundur që një ekspert si unë t'i përgjigjet një pyetjeje të tillë, unë gjithmonë e veçoj atë si një nga ata, për shkak të reagimeve që truri i tij dhe trupi që kishte, nuk mund të krahasohet me asgjë.
Në një fraksion sekonde, ai do të ndryshonte vendimin e tij tre herë se si të kalonte lojtarin kundërshtar ose ku ta kalonte topin.
Shuker më tha se Maradona i kishte thënë në Sevilla: ‘Thjesht, vrapo drejt portës dhe mos shiko prapa, dhe topi do ta gjejë, e siguroi ai, në momentin e duhur.
Pikërisht kështu ndodhi dhe Davori shënoi aq shumë gola falë asistimeve të tij, saqë menjëherë mori një ofertë nga Real Madridi.
Megjithatë, duhet të pranoj që edhe Messi e ka atë, atë informacionin e kthimit, e ndoshta edhe më shumë se Maradona.
Përveç kësaj, më lejoni t'ju them ishte shpirt njeriu!
Të gjithë e donin kudo që shkonte dhe nuk la askënd pa përqafim, shtrëngonte duar, foto, autografe apo buzëqeshje...
Siç bëjnë gjithmonë më të mëdhenjtë!”, ka shkruar Bllazheviq në profilin e tij në Facebook.
