Enriko Papa ka debutuar me fanellën e Sepsit.
Mesfushori shqiptar, i cili u huazua nga klubi turk i Rizesporit pak ditë më parë, u rikthye në Rumani, aty ku ka luajtur për shumë vite me fanellën e Botoshanit.
Tani pjesë e ekipit të Sepsit deri në fundin e sezonit, Papa u aktivizua në ndeshjen e ditës së djeshme ndaj Targoviste, e përfunduar me rezultatin 2-2, e vlefshme për javën e 24-t të kampionatit rumun.
Ndërkohë, sa i përket Papës, ai u aktivizua në minutën e 62-të të takimit dhe shenja që la në këtë ndeshje ishte vetëm një karton i verdhë i marrë në minutën e 90-të.
29-vjeçari që ka qenë pjesë e Superiores më përpara do të ndihmojë ekipin e Sepsit për të ruajtur vendin në gjashtë ekipet e para në kampionatin rumun.
