Drenica ka qenë shumë pranë të befasoj kampionin në fuqi të Kosovës, Ballkanin, por në fund pësuan humbje.
Kuqezinjtë kaluan të parët në epërsi 0-1, por Albion Rrahmani realizoi dy gola për t’i dhënë tre pikët vendasve.
Trajneri i Drenicës, Bekim Shotani ka thënë se nuk kanë mundur t’i bëjnë ballë presionit të Ballkanit, përkundër që ishin të parët në epërsi.
“Kemi marrë masat në stërvitje për pikat e forta të Ballkanit.
Në aspektin tekniko-taktik ishim të detyruar të luajmë në këtë mënyrë, duke pasur parasysh ekipin që kishim përballë”.
“Shënuam gol me kundërsulm, por nuk e përballuam presionin e kundërshtarit”, deklaroi Shotani.
Tutje trajneri i kuqezinjve ka thënë se dy ndeshjet në pranverë i kanë humbur faji i tyre.
“Topat që i kemi humbur i kemi rikuperuar me vështirësi dhe kështu dështuam dhe morëm golin.
Fondi i lojtarëve vendos mënyrën se si luajmë ne”.
“Kemi ekip që kryen më shumë detyra defensive dhe kjo është pika që na ka dhënë pozitivitet edhe në vjeshtë. Të dy ndeshjet i kemi humbur me fajin tonë”, ka thënë Shotani.
