Felix Magath ishte një nga emrat që u përfol për pasardhësin e Edi Rejës në stolin e kombëtares shqiptare.
Por, në fund u zgjodh braziliani Sylvinho. Trajneri gjerman ka kritikuar ashpër Neymar në prononcimin e tij të fundit.
Braziliani u dëmtua dhe do të mungojë në sfidën më të rëndësishme të sezonit për PSG-në. Kampionët e Francës luajnë në Gjermani përballë Bayernit (8 mars).
Misioni është përmbysja e humbjes 0-1 dhe kualifikimi në çerekfinalet e Champions League.
Magath mendon se mungesa e Neymar nuk është një avantazh për bavarezët.
“Sa i përket performancave dhe cilësisë, Neymar vetëm futbollist nuk mund të quhet. Ajo që pamë javën e kaluar, në ndeshjen e parë, ishte një futboll i stilit të vjetër.
Fakti që Neymar është i mirë teknikisht, nuk është aq i rëndësishëm. Sa futbollistë të mirë teknikisht ka në qarkullim?
Kjo nuk e bën atë futbollist. Puna e madhe triumfon mbi talentin kur talenti nuk punon fare”, u shpreh Magath.
