Arsenali kthejnë “sytë” nga Barella!
Prej kohësh tashmë “topçinjtë” e Arsenal kërkojnë ta përforcojnë mesfushën e tyre mes lojtarë të rinj e super të talentuar, që mund t’i ndihmojnë “londinezët” të ngjiten sërish në “majat” e futbollit botëror.
Si “bashkëpuntor” i ri i kapitenit Martin Odegaard shihet një italian dhe ai është “truri” i mesfushës së Inter, Nicolo Barella. Megjithatë italiani e ka mendjen diku tjetër teksa sezonin tjetër është një ndër pretendentët kryesor për të marrë shiritin e kapitenit te “zikaltrit”.
Në rast se merkato e verës shkon për Interin ashtu siç është parashikuar me largimin e Milan Skriniar, Samir Handanoviq, Danilo D’Ambrosio dhe Marcel Brozoviq atëherë skuadra nga Milano nuk mund t’i lejonte vetes një largim të një lojtari “kyç” nga klubi.
