Së fundmi kapitenin e kombëtares zvicerane dhe futbollistin e Arsenalit, Granit Xhakën, e gjeni në platformën amerikane “Cameo”, shkruan mediumi zviceran “Blick”.
“Aty 30-vjeçari ofron rezervimin e një video të personalizuar për 111 franga.
Qoftë urimet e ditëlindjes, një përgjigje për pyetjet tuaja.
Oferta e Xhakës nuk ka kufi.
Mesatarisht, një video e Xhakës zgjat 17 sekonda”, shkruan mes të tjera.
“Meqë ra fjala: Krahasuar me yjet e tjerë të futbollit, një video personale e Granit Xhakës është një treg i vërtetë.
Lojtarët brazilianë Marquinhos (400 franga), Thiago Silva (372 franga) dhe shoku i skuadrës së Arsenalit Gabriel Jesus (326 franga), për shembull, kërkojnë shumë më shumë”, ka shkruar mes të tjera mediumi zviceran.
