Cila do të jetë e ardhmja e Antonio Conte-s?
Në orët e fundit ka pasur disa thashetheme në lidhje me një lamtumirë të mundshme me Tottenham në fund të sezonit.
Ka një klauzolë rinovimi automatik në kontratën drejt skadencës të trajnerit me klubin, por Spurs nuk kanë ndërmend ta mbajnë atë kundër dëshirës së tij, duke qenë se, edhe së fundmi, trajneri italian ka shfaqur njëfarë nostalgjie për “shtëpinë”.
Edhe në këtë kuptim, zërat për lamtumirën e tij të mundshme duken të jenë konkrete.
Thashetheme që janë komentuar edhe nga skuadra e Spurs. Në veçanti, siç shpjegohet nga The Athletic, brenda dhomës së zhveshjes do të kishte mendime kontradiktore për çështjen e lamtumirës së Conte-s.
Një pjesë e skuadrës së Tottenham-it nuk do të ishte e lumtur të humbiste një trajner të këtij niveli.
Anasjelltas, një pjesë e grupit madje do ta mirëpriste lamtumirën.
Konkretisht, disa lojtarë do të ishin “të lodhur nga intensiteti, stërvitjet dhe qasja e tij ndaj ndeshjeve”.
