Angel Di Maria u shfaq më tepër si një peshk pa ujë në muajt e parë italianë. Disa “ndezje” të argjentinasit në mënyrë sporadike dhe pak më shumë, me dyshime në sytë e tifozëve bardhezinj dhe medias.
Fitorja e Kupës së Botës me Argjentinën, ku ai shënoi gol në finalen ndaj Francës, i ka dhënë jetë të re kampionit nga Rosario.
Lojtari që po e tërheq Juventusin në vitin 2023 është diçka krejtësisht ndryshe nga versioni i admiruar në muajt e mëparshëm. Një ndryshim ritmi që mund të shpjegohet me hyrjen në lojë të motivimeve të reja për të bërë mirë.
Duke filluar nga janari, Di Maria është dyshifror mes asisteve (3) dhe golave (7).
Një paraqitje që e vendos atë në podiumin e mesfushorëve më të mprehtë në Evropë, i barabartë me holandezin Van den Boomen të Toulouse dhe i dyti vetëm pas Bruno Fernandes i Manchester United, me 12 gola dhe pasime vendimtare për bashkëlojtarët e tij.
Katër golat e fundit të Juventusit në Ligën e Evropës janë shënuar të gjithë nga ‘Fideo’.
Pas vulosjes së Vlahovic në ndeshjen e parë të “play off”-it kundër Nantes, argjentinasi vendosi ndeshjen e dytë me një “hat-trick” të shkëlqyer dhe ndeshjen e parë të 1/8 finale me Freiburg.
Qoftë për të vepruar si finalizues apo bombardues, Di Maria është gjithmonë gati për çdo eventualitet dhe shikon me besim drejt një të ardhmeje që mund të mbajë ende fanellën bardhezi. Pas optimizmit të treguar nga shefi i futbollit Calvo, vetë argjentinasi është hapur personalisht për zgjatjen e marrëveshjes që skadon më 30 qershor 2023.
“Po flasim për rinovimin me klubin, – pranoi Di Maria pas ndeshjes Juventus-Freburg. – Ndihem mirë këtu dhe ndjej dashurinë e njerëzve. Ishte e vështirë në fillim, por tani kam qenë në gjendje të dëshmoj se sa vlej. Jemi të gjithë të lumtur”.
Një fillim i komplikuar, i cili po i lë plotësisht hapësirë një roli “prima donna” në kuptimin pozitiv të fjalës. Përvojë e pafund në shërbim të shokëve të skuadrës, që mund të mësojnë vetëm nga përkushtimi i Di Maria ndaj kauzës bardhezi, një privilegj për ata që kanë fatin të ndajnë fushën me një profesionist të tillë. Një trashëgimi e futbollit botëror.
