Brendan Rodgers nuk është më trajner i Leicesterit. Tekniku anglez është shkarkuar paraditen e të dielës, teksa fatale rezultoi humbja e të shtunës në Londër përballe Crystal Palace.
“Dhelprat” po vuajnë jo pak këtë sezon, teksa momentalisht pozicionohen në vendin e parafundit me vetëm 25 pikë të grumbulluara dhe rrezikojnë seriozisht rënien në Championship.
Brendan Rodgers drejtonte Leicesterin prej më shumë se 4 vitesh, pasi u emërua në shkurt të 2019-ës, por këtë sezon rezultatet e skuadrës kanë qenë shumë larg pritshmërivë.
Momentalisht Leicester nuk e ka vendosur ende se kujt do t’ia besojë pankinën, teksa mediat angleze kanë nxjerrë në skenë disa emra, mes të cilëve edhe francezi Patrick Vieira, i cili u shkarkua pak ditë më parë nga Crystal Palace.
