Fenomeni brazilian, Ronaldo është rikthyer në Madrid këtë të diel, këtë herë për të sfiduar Realin e tij si kundërshtar.
Braziliani ka pronësinë e klubit të Valladolidit, që ishte edhe kundërshtari i Los Blancos këtë pasdite.
Me këtë rast, fenomeni nuk mund ta humbte mundësinë për t’u rikthyer në tribunat e “Santiago Bernabeut” stadium ku ka ngritur në peshë shumë herë publikun me golat e tij në fushën e lojës.
Kamerat fokusuan Ronaldon para ndeshjes në tribunë, teksa një djalë i vogël përfitoi nga rasti për t’i marrë edhe një autograf, të cilin do ta ruajë gjatë mes kujtimeve të tij.
Ronaldo ka luajtur me Realin e Madridit në periudhën 2002-2007, ndërsa prej 2018-ës ka blerë 51% të aksioneve të Real Valladolid, të cilin verën e kaluar e riktheu në La Liga.
