Besart Ibraimi nuk e harron zanatin e vjetër, atë të golit.
Sulmuesi kërçovarë edhe në moshën e tij 36-vjeçare vazhdon të shënoj dhe të jetë lider në listën e golashënuesve.
Ibraimi shënoi dy gola në fitoren ndaj Akademia Pandev, duke shkuar në kuotën 12 golave të shënuar këtë edicion në Ligën e Parë.
Numri 9-të i struganëve për faqen zyrtare të klubit foli për ndeshjen ndaj Akademia Pandev, me Struga Trim Lum që në këtë mënyrë regjistroi fitoren e tretë radhazi.
“Që nga fillimi e morrëm ndeshjen shumë seriozisht. Tanimë çdo lojtar e dinë se çfarë duhet bërë për të vijuar për të qenë të parët në renditje.
Edhe në ndeshje neve si skuadër mund të them se e dhamë maksimumin në çdo aspekt dhe me meritë e e dominuam ndeshjen, por edhe fitoren, kuptohet” – deklaroi Besart Ibraimi.
Dopieta e dytë këtë edicion me fanellën e Struga Trim Lum?
“Normalisht që ndihem mirë për 2 golëshin tim, por më e rëndësishme është që këto gola i shërbyen skuadrës për të marrë tre pikët e rradhës” – u shpreh Ibraimi, i cili “dopietën” e tij të parë me fanellën e Struga Trim Lum e kishte regjistruar që në xhiron e parë të këtij sezoni ndaj Pobedës nga Prilepi.
