Anis Mehmeti është ende në kërkim të golit te Bristol City.
Anësori shqiptar ka fituar vendin e titullarit në radhët e klubit anglez, por duket se mungesa e golit po ndikon negativisht në aspektin psikologjik.
Trajneri i Bristol City-t ka deklaruar se shënimi i golit do ta qetësonte së tepërmi Mehmetin, por nga ana tjetër thekson se ai dhe stafi i tij janë të duruar dhe se janë të kënaqur me aftësitë e lojtarit shqiptar e me faktin se është duke bërë mirë detyrat e tij në fushë.
“Edhe nëse ai është pak i irrituar në disa mënyra, ai nuk do të marrë atë lloj reagimi nga ne.
Ka të bëjë me atë, që ai është një djalë i ri. Ai ka shumë aftësi dhe ka hapësirë për t’u përmirësuar dhe do ta bëjë.
Durimi dhe koha janë diçka që nuk e kupton shumë në futboll, veçanërisht në lojën time.
Kur investon kohë në lojtarë të rinj që kanë aftësi, duhet të përgatitesh që ata të mos jenë aq të qëndrueshëm sa ndonjëherë ne do të dëshironim.
Duhet të mbani mend historinë e pasme të Anisit.
Ai është shumë i paduruar me veten ndonjëherë dhe sigurisht, kjo mund t’i shtojë presion.
Do të jetë mirë.
Ai është një fitues i ndeshjes.
Thjesht duhet të jetë vetvetja dhe të shijojë futbollin e tij.
Ai është një djalë i ri mjaft intensiv, tashmë në atë që ka qenë një karrierë e shkurtër, ai ka përjetuar refuzim.
Ka lu.ftuar shumë për t’u rikthyer dhe ka krijuar një situatë vërtet pozitive për veten e tij dhe kjo është kalimi në një klub ambicioz të Championship-it.
Ai ka një trajner që është i durueshëm. Bëhet fjalë për ne si staf që ndihmojmë lojtarët tanë të arrijnë potencialin e tyre.
Gjëja për mua është, sulmuesit, ju dëshironi që ata të shënojnë gola sepse kështu e gjykojnë veten, por me kusht që ata të bëjnë atë që i nevojitet skuadrës dhe atë që ne i kërkojmë të bëjnë, atëherë unë do të jem relativisht i kënaqur.
Kjo është gjëja, lojtarëve u kërkohet të bëjnë një punë për ekipin dhe të dy punojnë shumë, shumë fort.
Ata të dy duan të shënojnë një gol, sepse mendoj se kjo do t’i qetësojë disi, por ka shumë për të ardhur nga të dy. Kështu që nuk shqetësohem shumë për këtë”, ka deklaruar Nigel Pearson.
