Trajneri i Juventusit, Massimiliano Allegri ndau mendimet e tij për ndeshjen e ardhshme të kthimit me Sportingun e Lisbonës në Europa League.
Takimi i parë çerekfinal mes skuadrave, i zhvilluar në Torino, ka përfunduar me fitoren minimal 1:0 të skuadrës italiane. Ndeshja e kthimit do të zhvillohet më 20 prill në Lisbonë.
“Arritja në gjysmëfinale është detyra më e rëndësishme për ne dhe jemi plotësisht të fokusuar në zgjidhjen e saj. Nuk do të jetë e lehtë për ta bërë këtë, pasi Sporting është një kundërshtar i fortë, siç e tregoi edhe ndeshja e parë.
Mos harroni se kjo skuadër më parë e eliminoi Arsenalin nga turneu”, tha trajneri italian në një intervistë për Sky Sport.
