Ardian Ismajli ka mbajtur mbi supe mbrojtjen e Shqipërisë prej kohësh.
Për shkak të emrave të ekipeve modeste ku ka luajtur ky futbollist, megjithëse pjesë e një prej kampionateve më të forta në botë si Seria A, ka ndikuar që Ismajli të jetë i nënvlerësuar.
Përpara emrave si Kumbulla dhe Gjimshiti që luajnë te Roma dhe Atalanta, në media flitet fare pak për mbrojtësin tjetër.
Por nëse i futemi statistikave, Kumbulla dhe Gjimshiti kanë gabuar më tepër te Kombëtarja.
Thuajse në asnjë rast të vetëm Shqipëria nuk e ka pësuar një gol për fajin e Ismajlit, madje edhe në ditët e tij më të vështira të karrierës në klub. Për fatin e mirë ky sezon ka shkuar në përsosmëri për Ardianin.
Në merkaton e verës pritet që ky lojtar të jetë pjesë e një skuadre më të fortë në letër se Empoli ku ndodhet aktualisht dhe atëherë në media do të diskutohet për të sesi gjatë gjithë kësaj kohe u nënvlerësua një element i tillë.
