Babai i futbollistit të Doxa, Andreas Karamanolis, dha frymën e fundit në moshën 47-vjeçare, teksa ndiqte ndeshjen e skuadrës me Paralimnin, në kuadër të play out të ligës qipriote.
I ndjeri humbi ndjenjat në tribunë, duke parë djalin e tij duke luajtur në fushë. Ai u dërgua menjëherë në spital, por nuk mundi të shpëtonte.
Doxa lëshoi më pas një deklaratë zyrtare ku shprehu pikëllimin për humbjen e babait të mbrojtësit 21-vjeçar.
“Shoqata Doxa T.O.I Katokopias shpreh pikëllimin e saj të pamasë për vdekjen e padrejtë dhe të papritur të babait të futbollistit tonë, Andreas Karamanolis.
E gjithë familja Doxa qëndron në krah të futbollistit tonë dhe familjes së tij.
I përjetshëm kujtimi i tij, qoftë i lehtë dheu që do ta mbulojë.
