Bastoni është padyshim një nga lojtarët më të rëndësishëm të Interit këto vite.
Qendërmbrojtësi i majtë 24-vjeçar ka qenë konstant me paraqitjet e jashtëzakonshme në fushën e blertë me fanellën zikaltër.
Përveç se është një mbrojtës solid, ai është gjithashtu tepër teknik dhe i shpejtë.
Kështu, ka një marrëveshje mes Interit dhe Bastonit për rinovimin e kontratës deri në vitin 2028 me një pagë prej 5 milionë euro në sezon plus bonuse.
Njoftimi zyrtar pritet së shpejti, ndërsa kontrata e tij aktuale skadon në vitin 2024, kështu që Interi nuk ka rrezikuar për të lënë në çastin e fundit çështjen e rinovimit.
