Portieri i Kombëtares së Kosovës, Aro Muriç do ta nisë sezonin e ri në Premierligë duke u përballur me ish-klubin e tij, Manchester City.
Kampioni anglez dhe evropian do të ketë punë me Burnleyn të premten e 11 gushtit në hapje të sezonit 2023/24 të Premierligës, ndërsa e veçantë kjo sfidë do të jetë edhe për trajnerin e Burnleyt, Vincent Kompany, i cili do të ketë punë po ashtu me ish-klubin e tij.
Newcastle do ta presë Aston Villën të shtunën mbrëma, kurse Tottenhami do të udhëtojë tek Brentfordi.
Mauricio Pochettino do ta nisë eksperiencën në Chelsea me derbin kundër Liverpoolit.