Leon Goretzka i premton besnikëri Bayernit.
Edhe pse në shtyp ka qarkulluar lajmi se 28-vjeçari dëshiron të nisë një aventurë të re, kjo nuk është e vërtetë.
Në një prononcim për Sport1, shtatlarti qetësoi tifozët e skuadrës së Thomas Tuchel.
Ndërkohë që theksoi se ambiciet e tij dhe të shokëve të skuadrës janë të mëdha.
“Nuk kam plane të tjera, dua të qëndroj te Bayern Munchen për të bërë gjëra të mëdha në sezonin e ardhshëm.
Fakti që fituam sërish titullin kampion, nuk na ngop.
Në sezonin 2023/2024 duam të fitojmë çdo trofe, duam të fitojmë gjithçka”, deklaroi mesfushori gjerman, i cili është pjesë e klubit bavarez prej vitit 2018.
Goretzka u transferua te Bayerni si lojtar i lirë nga Schalke 04. Mesfushori numëron edhe 51 ndeshje e 14 gola me kombëtaren e Gjermanisë, aty ku prej vitesh është një titullar.
