Pas largimit të Karim Benzemas në fund të sezonit 2022/23, Real Madridi ka mbetur pa një sulmues të nivelit të lartë në radhët e tyre.
“Los Blancos” nënshkruan me Joselun, por 33-vjeçari shihet më shumë si një opsion për bankën rezervë sesa për të zëvendësuar francezin.
Kësisoj, Real Madridi është ende në kërkim të një sulmuesi të ri, megjithëse ndjekjet e tyre për Harry Kane dhe Kylian Mbappe kanë qenë të komplikuara për shkak të çmimeve të kërkuara nga Tottenham Hotspur dhe Paris Saint-Germain përkatësisht.
Nëse një tjetër sulmues nuk transferohet, “AS” ka raportuar se Carlo Ancelotti po konsideron të ndryshojë sistemin e tij 4-3-3 për sezonin e ardhshëm.
Kjo do të përfshinte që “sulmuesi” të luante më shumë si një nëntë false, e ngjashme me një sistem 4-3-1-2, që do t’i lejonte Vinicius Junior dhe Rodrygo të luanin më shumë dhe në qendër dhe më të avancuar.
Ancelotti ka zgjedhur nënshkrimin e ri, Jude Bellingham, si futbollistin ideal për të luajtur në rolin e tij më të thellë ose si nëntë false, pasi ai ka treguar se ka aftësi edhe për të shënuar gola.
Vinicius dhe Rodrygo kanë treguar padyshim “kërcënim” për kundërshtarët dhe ky sistem ka gjasa që të shihet nga sezoni i ardhshëm te Real Madridi.
Por, fillimisht mbetet të shihet nëse gjiganti spanjoll do të nënshkruajë me një tjetër sulmues.
