Nga njëra anë, provat e rinovimit të kontratës që skadon në 2025, nga ana tjetër, presioni jo vetëm nga PSG, por edhe nga Chelsea.
Ky është skenari për të ardhmen e Victor Osimhen te Napoli.
Takimi i parë që u zhvillua mes presidentit De Laurentiis dhe menaxherin e sulmuesit nigerian Roberto Calenda nuk solli asnjë lajm në frontin e rregullimit ekonomik të pagës aktuale, e cila është rreth 4.5 milionë euro në sezon.
Mbetet një diferencë midis ofertës së klubit, me AdL të gatshëm të shkojë më tej se 6 milionë (plus bonuse) dhe një kërkese që, siç raportohet nga Il Mattino, është dyfishi i rrogës aktuale. Të dyja palët do të takohen sërish, por në çdo rast fundjava do të shërbejë për të reflektuar mbi hapat e ardhshëm.
Ndërkohë klubet e interesuara për lojtarin qëndrojnë po e ndjekin me kujdes situatën. Megjithatë, si PSG ashtu edhe Chelsea e vlerësojnë çmimin e Osimhen në rreth 120 milionë euro, ndërsa De Laurentiis ishte i qartë në këtë pikë menjëherë.
Lojtari është një element kryesor i skuadrës dhe mund të largohet përfundimisht vetëm në rast të një “ofere të domosdoshme për arkat e klubit”, tha ai me rastin e konferencës për shtyp për prezantimin e trajnerit të ri Rudi Garcia, që e përkthyer në shifra do të thotë se Osimhen nuk largohet për më pak se 150 milionë euro.
Presidenti i kampionëve të Italisë nuk është i gatshëm të bëjë asnjë ulje për Osimhen. PSG dhe Chelsea janë të paralajmëruar.
