Napoli është ende në pushime dhe përveç ndryshimeve në staf, pjesa e skuadrës është ende pezull.
Kërkesa të shumta ka për sulmuesin Viktor Osimhen i cili mbylli një sezon mjaft të mirë duke fituar titullin kampion.
Ofertat karshi tij nuk mungojnë por asnjëra nuk e ka bindur presidentin Aurelio De Laurentis.
Ky i fundit i ka vënë një çmim që kap shifrën e 180 milionë eurove dhe asnjëra nga klubet në Europë nuk ka në plan ta paguajë.
Kontrata e lojtarit përfundon pas dy sezonesh por De Laurentis ka një tjetër plan.
Ai i ka propozuar lojtarit një rinovim për një tjetër sezon dhe në kontratën e re parashikohet rritje rroge por gjithashtu edhe një klauzolë që e lë të lirë për verën e ardhshme në një çmim më të ulët se çmimi që De Laurentis kërkon sot.
Palët janë në bisedime dhe me shumë gjasa do të ketë zhvillime ditët në vazhdim.
