Dite rinovimesh te rendesishme te Interi.
Pikerisht kur ka mberritur Frattesi nga Sassuolo, kane ardhur edhe dy firma “big”.
Tashmë është zyrtare: Interi ka bërë të ditur vazhdimin e kontratës së Bastonit me një shënim të publikuar në kanalet zikalter.
“FC Internazionale Milano njofton se ka arritur marrëveshje për vazhdimin e kontratës së lojtarit Alessandro Bastoni: mbrojtësi i lindur në vitin 1999 do të jetë me zikalterit deri në vitin 2028”, thuhet në tekstin e plotë të komunikatës.
“Për Bastonin tani jemi në fazën finale, në ditët në vijim do të gjejmë një mënyrë për t’i bërë gjërat siç duhet, por jemi në përfundim”, nënvizoi agjenti i tij, Tullio Tinti, teksa u largua nga selia e Interit disa ditë me pare. Tani, pas javësh negociatash, tymi i bardhë i shumëpritur.
Por, edhe Hakan Calhanoglu zgjat martesën me Interin. Këtë e ka bërë të ditur vetë klubi në një shënim në kanalet e tij, menjëherë pasi njoftoi edhe rinovimin e Bastonit deri në vitin 2028:
“FC Internazionale Milano njofton se ka arritur marrëveshje për vazhdimin e kontratës së lojtarit Hakan Calhanoglu: mesfushori i lindur në vitin 1994, do të jetë për Nerazzurrët deri në vitin 2027”, shkruani i plotë komunikata. “Ende zikalter”. Ky është mesazhi që shoqëron imazhin e mesfushorit turk me ngjyrat zikalter sociale të Interit.
