Mesfushori i Arsenalit, Granit Xhaka ka udhëtuar në Këln për të kryer testet mjekësore përpara transferimit të tij te Bayer Leverkusen, raporton Bild.
Lojtari i Zvicrës pati një sezon mbresëlënës 2022/23 me Topçinjtë, duke shënuar nëntë gola dhe duke regjistruar shtatë asistime nga 47 paraqitje në të gjitha garat. Shfaqjet e tij fituan besimin e fansave pas një marrëdhënieje të përzier në të kaluarën. 30-vjeçari tani ka vendosur të sigurojë një rikthim në Bundesligën gjermane me Leverkusen.
Sipas Bild, ish-kapiteni i Arsenalit është parë në Klinikën Mediapark në Këln, ku po i nënshtrohet testeve të detyrueshme mjekësore për transferimin. Mesfushori është në rrugën e duhur për të nënshkruar një kontratë katërvjeçare me skuadrën e Bundesligës dhe menaxheri Xabi Alonso beson se zvicerani do ta çojë ekipin e tij në nivelin e ardhshëm sezonin e ardhshëm.
Prej disa kohësh dihet se Xhaka do t’i drejtohet derës së daljes. Mesfushori ra dakord për kushtet personale me Leverkusen në maj, por lëvizja është vonuar për një kohë.
Arsenali pritet të konfirmojë nënshkrimin e Declan Rice në një marrëveshje rekord klubi këtë javë.
Ardhja e tij pritet të hapë rrugën për rikthimin e Xhakës në Gjermani me Leverkusen.
Fillimisht u raportua se Arsenali mund të merrte 15 milionë euro nga lëvizja, por The Athletic zbuloi në fillim të kësaj jave se Arsenali do te fitonte 25 milionë euro nga skuadra e Bundesligës. Kontrata deri ne 2028 gati per mesfushorin!
