Përzgjedhësi i Kombëtares së Holandës, Ronald Koeman pret që mesfushori Frenkie de Jong të qëndrojë te Barcelona.
Holandezi vazhdon të jetë i lidhur me largimin nga “Camp Nou”, me Man Cityn dhe Bayern Munichun që kanë shprehur interesim.
Sidoqofë, Koeman që ishte edhe trajner te Barcelona nuk mendon se një lëvizje e lojtarit do të ndodhë këtë verë.
“Shumë klube do të donin të nënshkruanin me një lojtar si Frenkie.
Për aq sa di, ai është shumë i lumtur aty dhe nuk po e mendon largimin”.
“Barcelona tani ka dy detyra: ta forcojë skuadrën dhe të provojë të mbajë yjet në klub që mund të ndihmojnë për shumë vite”.
Ndër të tjera, Koeman e këshilloi klubin të investojë në lojtarë të rinj dhe të mos shpenzojë në lojtarë mbi 30 vjeç.