Futbollistët e FC Shkupi kanë zhvilluar stërvitjen e fundit në tokën lituaneze dhe është gati për ndeshjen e nesërme kundër skuadrës së FC Hegelmann, duel ky i parë në kuadër të turit të parë të Ligës së Konferencës.
Kapiteni dhe portieri i FC Shkupi, Artan Iljazi gjithashtu ka folur për ndeshjen e nesërme:
“Nesër na pret një ndeshje e vështirë, normalisht ne si ekip jemi të përgatitur maksimalisht për ndeshjen e nesërme dhe shpresoj që me rezultat pozitiv të kthehemi në Shkup”, deklaroi Iljazi.
Kujtojmë se, ndeshja FC Hegelmann – FC Shkupi do të luhet të enjten me fillim në ora 19:00 në qytetin e Kaunasit në stadiumin Darius and Stasys Girenas.