Gati 60 milionë euro për “yllin” e Zenitit!
Fillimisht kishin menduar të shpenzonin plot 400 milionë euro për transferimin e Lionel Messi drejt Arabisë Saudite, mirëpo drejtuesit e Al-Hilal vendosën t’i ndanin këto para për të sjellë një sërë lojtarësh në klubin e tyre.
Pas transferimeve të Kalidou Koulbaly, Ruben Neves e Sergej Milinkovic-Savic, tashmë klubi më i titulluar në Azi kërkon afrimin e një tjetër lojtari e më konkretisht bëhet fjalë për anësorin brazilian të Zenit, Malcom.
Negociatat mes klubeve kanë nisur dhe përsa i përket akordit personal nuk pritet të ketë probleme, mirëpo problem dhe i konsiderueshëm madje pritet të jetë vlera e kartonit të 26-vjeçarit, me rusët që e vlerësojnë “yllin” e sulmit në 60 milionë euro.
